O‘zbekiston Respublikasi Ekologiya va iqlim o‘zgarishi milliy qo‘mitasi

Reyd Andijon tumani Xakan sanoat hududida aholining ohak ishlab chiqarish jarayonidan hosil bo‘layotgan yoqimsiz hid va atmosferaga tarqalayotgan zararli moddalar haqidagi murojaatlari asosida tashkil etildi.

Reyd davomida yerlarni noqonuniy egallab, kadastr hujjatlari rasmiylashtirilmagan holda ohak pishirish faoliyati bilan shug‘ullanayotgan fuqarolar aniqlandi hamda 15 dan ortiq noqonuniy ohak xumdonlari buzib tashlandi.

Huquqbuzarlarga bunday holatlarni takrorlamaslik, tadbirkorlik faoliyatini qonuniy asosda olib borish va atrof-muhitga zarar yetkazmaslik bo‘yicha ogohlantirishlar berildi. Shuningdek, bu kabi noqonuniy faoliyatlarga nisbatan qonunchilikda belgilangan tartibda qat’iy javobgarlik choralari qo‘llanilishi ta’kidlandi.

Reyd tadbirlari davom etmoqda.