O‘zbekiston Respublikasi Ekologiya va iqlim o‘zgarishi milliy qo‘mitasi

 Vazirlar Mahkamasi tegishli qarori bilan mamlakatimizdagi ayrim daryolar, soylar, ko‘llar, buloqlar, sharsharalar, suv omborlari va sel suv omborlarining nomlari davlat tili qoida va me’yorlariga muvofiqlashtirildi va ro‘yxati tasdiqlandi. Bu boradagi ishlar O‘zbekiston Respublikasining “Davlat tili haqida”gi va “Geografik obyektlarning nomlari to‘g‘risida”gi qonunlariga muvofiq hamda Geografik obyektlarni nomlash va qayta nomlash masalalari bo‘yicha republika komissiyasining xulosasiga ko‘ra amalga oshirildi.