Toshkent viloyatidagi bir qancha issiqxonalarda filtr o‘rnatilmaganligi aniqlandi
2025-11-11 11:45:00 / Yangiliklar
Ayni damda Bosh prokuratura hamda Ekologiya, atrof-muhitni muhofaza qilish va iqlim o‘zgarishi vazirligi xodimlaridan iborat ishchi guruh tomonidan Toshkent shahri va viloyatidagi issiqxonalar faoliyatini o‘rganish yuzasidan tungi reyd tadbirlari o‘tkazilmoqda.
Reyd davomida bir qancha issiqxonalarda atrof-muhitga zararli tashlamalar chiqarish bilan bog‘liq huquqbuzarliklar aniqlandi. Xususan, Toshkent viloyati Toshkent tumani "Hasanboy guzari" MFY hamda Qibray tumani "Parvoz" MFY dagi issiqxonalar qozonxonasiga filtr o‘rnatilmaganligi ma'lum bo‘ldi.
Holatlar yuzasidan issiqxonalarga nisbatan Ma'muriy javobgarlik to‘g‘risidagi Kodeksning tegishli moddalari bilan ma'muriy bayonnomalar rasmiylashtirildi.
O‘rganish davom etmoqda.