“Yashil makon” umummilliy loyihasining kuzgi mavsumi boshlandi
2025-11-10 13:00:00 / Yangiliklar
Aksiyada Respublikadagi ijro etuvchi organlar vakillari, vazirlik va idoralar ishtirok etdi. Xususan, Ekologiya, atrof-muhitni muhofaza qilish va iqlim o‘zgarishi vazirligi hamda vazirlikning tizim tashkilotlari tomonidan vazirlikka biriktirilgan hududda 2000 dan ortiq sovuq iqlim sharoiti va suvsizlikka chidamli qayrag'och, shumtol, katalpa kabi manzarali daraxtlar ekildi.
Ma'lumot uchun, tadbir davomida vazirlik va tashkilotlar tomonidan 46 km masofada jami 48 ming tup manzarali daraxt ko‘chatlari o‘tqazildi.
Ta'kidlash joizki, Prezident topshirig'iga ko'ra joriy yilning kuz mavsumida 125 mln tup, 2026-yil bahor mavsumida esa 75 mln tup ko‘chat ekish vazifasi belgilangan. Shunga ko‘ra, joriy yil kuz mavsumida va 2026-yil uchun manzarali hamda mevali daraxt va buta ko‘chatlarini ekish bo‘yicha har bir hudud, soha, vazirlik va idoralar kesimida, shuningdek, sanoat korxonalari atrofida “yashil belbog‘”lar tashkil etish prognoz ko‘rsatkichlari belgilab berildi.
Kuzgi mavsumdagi ko‘chat ekish ishlarini o‘z vaqtida va sifatli amalga oshirish maqsadida, 2025-yil 8-noyabrdan boshlab “dolzarb bir oylik” e’lon qilindi.