Qoraqalpog‘istonda 3 bosh Buxoro bug‘usi o‘ldirildi
2024-11-26 16:30:00 / Yangiliklar
O‘rganish davomida bitta erkak va ikkita urgʻochi bug‘ular ov miltigʻi bilan o‘ldirilganligi ma’lum bo‘ldi. Hodisa joyi koʻzdan kechirilganida rezervatning zaxira yerlaridan 2 ta ov miltigʻi oʻq dorisining plastik boʻlaklari, qonga oʻxshash qizil dogʻlar va ov miltigʻi topildi. Ov miltig‘i ashyoviy dalil sifatida olindi.
O‘zbekiston Respublikasi Qizil kitobiga kiritilgan Buxoro bug‘ulari o‘ldirilishi natijasida hayvonot dunyosiga jami 3 mlrd 375 mln soʻmlik moddiy zarar yetkazilgan.
Holat yuzasidan fuqaro M.K. Jinoyat kodeksining 202-moddasi 3-qismida nazarda tutilgan jinoyatni sodir etganlikda gumon qilinib, qo‘lga olindi. Hozirda Beruniy tumani IIB tergov bo‘linmasi tomonidan jinoyat ishi qo‘zg‘atilib, tergovoldi tekishiruv ishlari olib borilmoqda.