Shveysariya Konfederatsiyasi tashqi ishlar vaziri bilan uchrashuv to‘g‘risida
2025-11-03 20:15:00 / Yangiliklar va voqealar
3-noyabr kuni O‘zbekiston tashqi ishlar vazirining birinchi o‘rinbosari Baxromjon A’loyevning Shveysariya Federal Kengashi a’zosi, tashqi ishlar vaziri Ignazio Kassis bilan uchrashuvi bo‘lib o‘tdi.
Muzokaralar davomida O‘zbekiston va Shveysariya o‘rtasidagi ikki tomonlama va xalqaro tashkilotlar doirasidagi hamkorlik munosabatlarini yanada rivojlantirish masalalari muhokama qilindi.
Shveysariya vaziri Samarqand shahri mezbonlik qilayotgan YUNESKO Bosh konferensiyasining 43-sessiyasi juda yuqori darajada tashkil etilayotganligini ta’kidlab, ushbu ulkan muvaffaqiyat bilan O‘zbekiston Hukumatini samimiy tabrikladi.
O‘zaro munosabatlarda savdo-iqtisodiy va investitsiyaviy aloqalarni kengaytirishga alohida e’tibor qaratishning ustuvorligi qayd etildi. Shveysariya Federal hukumatining 2026–2029-yillarda Markaziy Osiyo bilan hamkorlik dasturi doirasida birgalikdagi loyihalar amalga oshirilishi ta’kidlandi.
BMT, YUNESKO, YeXHT va boshqa xalqaro tashkilotlar hamda moliyaviy institutlar doirasidagi o‘zaro manfaatli aloqalarni izchil davom ettirishga kelishib olindi.