O‘zbekiston va AQSh tashqi siyosat idoralari rahbarlari muloqot qildi
2025-02-21 21:20:00 / Yangiliklar va voqealar
21-fevral kuni O‘zbekiston tashqi ishlar vaziri Baxtiyor Saidov AQSh davlat kotibi Marko Rubio bilan telefon orqali muloqot qildi.
Unda O‘zbekiston va AQSh o‘rtasidagi ikki va ko‘p tomonlama aloqalarining muhim mavzulari muhokama qilindi. O‘zbekiston Tashqi ishlar vazirligi va AQSh Davlat departamenti mamlakatlarimiz oʻrtasidagi strategik sheriklikni barcha sohalarda kengaytirish yoʻlida yaqin hamkorlikni davom ettirishiga kelishib olindi.
Shuningdek, ishbilarmon doiralar oʻrtasida mustahkam koʻpriklar barpo etish, har ikki yoʻnalishda tovar ayirboshlash hajmini oshirish, Markaziy Osiyo va undan tashqarida farovon taraqqiyotni taʼminlash kun tartibining asosiy qismidan o‘rin oldi.