2025-yilning 30-31-yanvar kunlari O‘zbekiston Tashqi ishlar vazirligida Markaziy Osiyo davlat rahbarlari Maslahat uchrashuvlari masalalari bo‘yicha Milliy koordinatorlar kengashining birinchi yig‘ilishi bo‘lib o‘tdi. Ushbu tadbirda O‘zbekiston, Qozog‘iston, Qirg‘iziston, Tojikiston va Turkmanistonning tashqi siyosat idoralari vakillari ishtirok etdi.

Yig‘ilishni O‘zbekiston Respublikasi tashqi ishlar vazirining birinchi o‘rinbosari B.A’loyev ochib berdi.

Uchrashuvda O‘zbekistonning 2025-yilda Markaziy Osiyo davlatlari rahbarlarining Maslahat uchrashuvida raislik qilish konsepsiyasi taqdimoti bo‘lib o‘tdi, shuningdek, joriy yilda rejalashtirilgan qo‘shma tadbirlar jadvali loyihasi muhokama qilindi.

Tomonlar Markaziy Osiyo davlat rahbarlarining maslahat uchrashuvlari bo‘yicha Milliy koordinatorlar kengashining Toshkent shahrida bo‘lib o‘tgan birinchi yig‘ilishining samaradorligini ta’kidladilar.

Muzokaralar yakunida tadbir ishtirokchilari yaqin hamkorlikni davom ettirish va 2025-yilda Markaziy Osiyo davlat rahbarlarining yettinchi Maslahatashuv uchrashuvida O‘zbekistonning raisligi doirasida barcha rejalashtirilgan tadbirlarni amalga oshirishga alohida ahamiyat berish zarurligini ta’kidladilar.