Yaponiya Immigratsiya xizmati agentligi komissari bilan uchrashuv toʻgʻrisida
2026-05-29 11:00:00 / Yangiliklar va voqealar
28-may kuni Oʻzbekiston Respublikasi tashqi ishlar vaziri oʻrinbosari Olimjon Abdullayev Tokioda Yaponiya Immigratsiya xizmati agentligi komissari Maruyama Xidexaru bilan uchrashdi.
Muzokaralar davomida migratsiya sohasidagi ikki tomonlama hamkorlikni yanada rivojlantirish, Oʻzbekiston fuqarolarining Yaponiyada qonuniy mehnat faoliyati uchun qulay shart-sharoitlar yaratish, shuningdek, fuqarolarning huquq va manfaatlarini himoya qilish masalalari muhokama qilindi.
Tomonlar mehnat migratsiyasi sohasidagi amaliy hamkorlikni kengaytirish, idoralararo aloqalarni mustahkamlash va migratsiya jarayonlarini tartibga solish boʻyicha tajriba almashishni davom ettirishga tayyor ekanligini tasdiqladi.