Avstriyaning O‘zbekistondagi elchixonasi savdo maslahatchisi bilan uchrashuv to‘g‘risida
2026-02-23 16:05:00 / Yangiliklar va voqealar
23-fevral kuni O‘zbekiston tashqi ishlar vaziri maslahatchisi Munira Aminova Avstriya Respublikasining mamlakatimizdagi elchixonasi savdo maslahatchisi Rudolf Lukavskiy bilan uchrashuv o‘tkazdi.
Uchrashuv davomida O‘zbekiston va Avstriya o‘rtasidagi ikki tomonlama hamkorlikning dolzarb masalalari yuzasidan fikr almashildi.
Muloqotda tomonlar savdo-iqtisodiy va madaniy-gumanitar sohalardagi hamkorlikning ijobiy dinamikasini qayd etdilar. Ta’lim, sog‘liqni saqlash va turizm sohalarida hamkorlikni yanada rivojlantirishga o‘zaro qiziqish alohida ta’kidlandi.
Bo‘lajak qo‘shma tashriflar va turli darajadagi tadbirlar rejasiga alohida e’tibor qaratildi.