21-fevral kuni O‘zbekiston Respublikasi tashqi ishlar vaziri Baxtiyor Saidov Afg‘oniston tashqi ishlar vaziri Mavlaviy Amir Xon Muttaqiy bilan telefon orqali muloqot o‘tkazdi.

Tomonlar ikki tomonlama kun tartibining rivojlanib borayotgan yo‘nalishlari yuzasidan fikr almashdi, xususan, iqtisodiy hamkorlikni kengaytirish va ustuvor sohalarda amaliy sa’y-harakatlarni kuchaytirishga alohida e’tibor qaratildi.

Muloqotda, shuningdek, barqarorlik, izchil taraqqiyot va o‘zaro farovonlik asosida yaxshi qo‘shnichilik munosabatlarini mustahkamlash va mintaqaviy aloqalarni rivojlantirishga sodiqlik yana bir bor tasdiqlandi.