O‘zbеkistоn Rеspublikаsi Tashqi ishlаr vаzirligi

3-fevral kuni O‘zbekiston Respublikasi Prezidentining Afg‘oniston bo‘yicha Maxsus vakili Ismatulla Irgashev Italiyaning mamlakatimizdagi Favqulodda va Muxtor Elchisi Gvido De Sanktis bilan uchrashuv o‘tkazdi.

Uchrashuv davomida mintaqaviy xavfsizlikni ta’minlash va afg‘on muammosini hal etish sohalarida ikki tomonlama hamkorlikning hozirgi holati muhokama qilindi.

Muntazam dialogni ikki va ko‘p tomonlama diplomatik hamkorlik formatlari doirasida davom ettirishga bo‘lgan o‘zaro qiziqish alohida ta’kidlandi.

Uchrashuv konstruktiv ruhda o‘tdi va tomonlar Toshkent va Rim o‘rtasidagi amaliy hamkorlikni yanada rivojlantirishga tayyorligini yana bir bor tasdiqladi.