Oʻzbekiston Prezidenti Yaponiyaga joʻnab ketdi
2025-12-18 10:00:00 / Prezident faoliyati
Oʻzbekiston Respublikasi Prezidenti Shavkat Mirziyoyev Yaponiya Bosh vaziri Sanae Takaichining taklifiga binoan 18-dekabr kuni rasmiy tashrif bilan ushbu mamlakatga joʻnab ketdi.
Tashrif dasturiga muvofiq, Tokioda bir qator oliy darajadagi uchrashuvlar va tadbirlar oʻtkazilishi rejalashtirilgan.
Oʻzbekiston – Yaponiya strategik sherikligi va koʻp qirrali hamkorligini yanada rivojlantirish hamda kengaytirish masalalari diqqat markazida boʻladi.
Shuningdek, Oʻzbekiston Prezidenti “Markaziy Osiyo + Yaponiya” muloqoti davlat rahbarlarining birinchi sammitida ishtirok etadi.