O‘zbekiston tashqi ishlar vaziri maslahatchisi davra suhbatida ishtirok etdi
2025-12-04 21:00:00 / Yangiliklar va voqealar
4-dekabr kuni O‘zbekiston tashqi ishlar vaziri maslahatchisi Munira Aminova Vena shahrida “Markaziy Osiyo: Strukturaviy qiyinchiliklardan hamkorlik imkoniyatlarigacha” mavzusidagi davra suhbatida ishtirok etdi.
Tadbirda 12 nafar yetakchi ekspert va tahliliy doiralar vakillari ishtirok etdi. Davra suhbati Markaziy Osiyoga e’tibor qaratgan holda siyosiy va iqtisodiy masalalarga ixtisoslashgan Global Neighbors direktori o‘rinbosari Aleksey Ksenofontov boshchiligida o‘tkazildi.
Ishtirokchilar Markaziy Osiyo oldida turgan asosiy transchegaraviy muammolarni muhokama qildilar va ushbu muammolarni mintaqa uchun yangi sarmoyaviy imkoniyatlarga aylantirish bo‘yicha takliflarni taqdim etdilar.
Tadbir ekspertlar o‘rtasida fikr almashish va mintaqalararo hamkorlikni mustahkamlashga qaratilgan tashabbuslarni ishlab chiqish uchun muhim maydonga aylandi.