O‘zbеkistоn Rеspublikаsi Tashqi ishlаr vаzirligi

Avstriyaga ishchi tashrif doirasida O‘zbekiston tashqi ishlar vaziri maslahatchisi Munira Aminova Krems universitetiga tashrif buyurdi. Unda hamkorlikni rivojlantirish va qo‘shma loyihalarni rejalashtirishga bag‘ishlangan uchrashuv bo‘lib o‘tdi.

Tomonlar mavjud o‘zaro hamkorlikni muhokama qilib, qo‘shma tashabbuslarni kengaytirishga bo‘lgan umumiy manfaatdorlikni tasdiqladilar. Uchrashuvda kasbiy va dual ta’lim sohasida ikki yangi yo‘nalish — mehmondo‘stlik industriyasi va tibbiyot uchun kadrlar tayyorlash bo‘yicha dasturlarni yo‘lga qo‘yish masalasi ko‘rib chiqildi.

Tomonlar yaqinlashib kelayotgan Toshkentga ishchi tashrif doirasida muloqotni davom ettirish, bir qator uchrashuvlar o‘tkazish hamda kelajakdagi hamkorlikning asosiy yo‘nalishlarini muhokama qilish yuzasidan kelishuvga erishdilar. Uchrashuv ishtirokchilari sheriklikni mustahkamlashga bo‘lgan umumiy qiziqishni bildirgan holda, qo‘shma faoliyatni yanada rivojlantirishga tayyor ekanliklarini ta’kidladilar.