O‘zbekiston va Germaniya o‘rtasidagi ikki tomonlama hamkorlik muhokama qilindi
2025-11-14 16:00:00 / Yangiliklar va voqealar
14-noyabr kuni O‘zbekiston tashqi ishlar vaziri o‘rinbosari Muzaffar Madrahimov Germaniyaning O‘zbekistondagi elchisi Manfred Huterer bilan uchrashuv o‘tkazdi.
Uchrashuvda ikki tomonlama hamkorlikning dolzarb masalalari, jumladan, siyosiy, savdo-iqtisodiy va investitsiyaviy aloqalarni rivojlantirish, ko‘p tomonlama munosabatlarni yanada mustahkamlash, shuningdek, 2026-yilga mo‘ljallangan qo‘shma tadbirlar rejalari muhokama qilindi.
Uchrashuv yakunlari bo‘yicha tomonlar ikki tomonlama hamkorlikning barcha yo‘nalishlari bo‘yicha o‘zaro aloqalarni davom ettirishga kelishib oldi.