Quyidagilar Vazirlikning asosiy vazifalari hisoblanadi:

barqaror iqtisodiy o‘sishni strategik rejalashtirish (ta’minlash);

makroiqtisodiy siyosatni ishlab chiqish, muvofiqlashtirish va yuritish;

inflyatsiyani jilovlash, ichki iste'mol bozorini rivojlantirish, oziq-ovqat xavfsizligi va narxlar barqarorligini ta’minlash bo‘yicha takliflarni shakllantirish;

hududlarni kompleks ijtimoiy-iqtisodiy rivojlantirish bo‘yicha chora-tadbirlarni muvofiqlashtirib borish;

barqaror rivojlanishning milliy maqsadlariga erishish va inson kapitalini rivojlantirish;

ijtimoiy va ishlab chiqarish infratuzilmasini rivojlantirish dasturini shakllantirish, amalga oshirish va moliyalashtirish;

urbanizatsiya siyosatini yuritish;

aholini uy-joy bilan ta’minlash, ipoteka bozorini moliyalashtirish va rivojlantirish;

xizmatlar va servis sohasini rivojlantirish;

hududlarning master-rejalarini ishlab chiqish va amalga oshirishni muvofiqlashtirish;

“yashil iqtisodiyotga o‘tish strategiyasi hamda iqtisodiy o‘sishni “yashil” tamoyillar asosida amalga oshirilishini ta'minlash, bu borada davlat siyosatini muvofiqlashtiruvchi organ vazifasini bajarish; soliq va bojxona siyosatini muvofiqlashtirish;

budjet siyosati va budjetlararo munosabatlar sohasini takomillashtirish;

Davlat budjeti ijrosini ta’minlash;

davlat qarzini va fiskal xatarlarni boshqarish;

iqtisodiyot tarmoqlarining narxlanishi va moliyaviy mutanosibligini ta’minlash;

buxgalteriya hisobi, moliyaviy hisobot va auditorlik faoliyatini tartibga solish va ularni metodologiyasini shakllantirish;

sanoat siyosatini yuritish, bazaviy tarmoqlarda tarkibiy islohotlarni amalga oshirish;

davlat moliyasini boshqarish;

strategik ahamiyatga ega davlat ishtirokidagi korxonalarni va tijorat banklarini transformatsiya qilish va xususiylashtirish jarayonlarini samarali tashkil etish;

davlat-xususiy sheriklikni rivojlantirish;

kichik va o‘rta biznesni rivojlantirish hamda yaxlit tadbirkorlik ekotizimini joriy etish;

davlat xaridlari siyosati yuritish;

raqamlashtirish siyosatini amalga oshirish;

xorijiy davlatlar bilan ikki tomonlama iqtisodiy va moliyaviy aloqalarni rivojlantirish;

davlat organlarining ichki audit tuzilmalari faoliyatini rivojlantirish va muvofiqlashtirish.