O‘zbek tilining qadimiy boy tarixi va nufuzi alohida e'tirof etildi
2025-10-30 16:00:00 / Yangiliklar
Ta'kidlash joizki, joriy yilning 20-oktabr kuni Oʻzbekiston Respublikasi Prezidentining "Davlat tilini yanada rivojlantirishga oid qoʻshimcha chora-tadbirlar toʻgʻrisida"gi 308-sonli qarori qabul qilindi. Unda mamlakatimiz ijtimoiy-siyosiy hayotining barcha sohalarida davlat tili imkoniyatlaridan toʻliq va samarali foydalanishga erishish, taʼlim tashkilotlarida davlat tilini oʻqitish tizimini yanada takomillashtirish, uning ilm-fan tili sifatidagi nufuzini oshirish, davlat tilining sofligini saqlash va uning lugʻat boyligini muntazam oshirib borish maqsad qilingan.
Shuningdek, qarorda davlat tilining zamonaviy axborot texnologiyalari va kommunikatsiyalariga faol integratsiyalashuvini taʼminlash, bu borada sunʼiy intellekt imkoniyatlaridan unumli foydalanish, davlat tilining xalqaro miqyosdagi oʻrni va nufuzini oshirish, xorijiy hamkorlik aloqalarini rivojlantirish, mamlakatimizda istiqomat qiladigan barcha millat va elatlar vakillari hamda xorijdagi vatandoshlarimizning davlat tilini oʻrganishi uchun qulay shart-sharoitlar yaratish ham ko‘zda tutilgan.
Tadbir davomida xodimlar lotin alifbosiga asoslangan o‘zbek tilida "O‘zbek tilim — ona tilim" mavzusida diktant yozishdi. Unda tilimizning qadimiy tarixi, boy me'rosga ega ekanligi, bu tilda ijod qilgan ma'rifatparvar bobokalonlarimiz alohida e'tirof etildi.