O‘zbekiston Respublikasi Ekologiya va iqlim o‘zgarishi milliy qo‘mitasi

Unda Ekologiya, atrof-muhitni muhofaza qilish va iqlim o‘zgarishi vazirligi va uning tizimidagi Turizm qo‘mitasi, O‘rmon agentligi, Gidrometeorologiya xizmati agentligi, Chiqindilarni boshqarish va sirkulyar iqtisodiyotni rivojlantirish agentligi va boshqa tashkilotlar xodimlari ishtirok etdi.

Tadbir davomida so‘z mulkining sultoni, buyuk mutafakkir Alisher Navoiy haykali poyiga gulchambarlar qo‘yildi. So‘nggi yillarda o‘zbek tilining davlat tili sifatidagi maqomi mustahkamlanganligi, 20-oktabr kuni qabul qilingan “Davlat tilini yanada rivojlantirishga oid qo‘shimcha chora-tadbirlar to‘g‘risida”gi Prezident qarori bu borada navbatdagi muhim qadam bo‘lganligi ta’kidlandi. 

Ma’lumot uchun, yangi qaror mamlakat ijtimoiy-siyosiy hayotining barcha sohalarida davlat tili imkoniyatlaridan to‘liq va samarali foydalanish, ta’lim tashkilotlarida o‘zbek tilini o‘qitish tizimini takomillashtirish, uning sofligini saqlash va muntazam boyitib borish, zamonaviy axborot texnologiyalari va kommunikatsiyalariga faol integratsiyalashuvini ta’minlash, xalqaro miqyosdagi o‘rni va nufuzini kengaytirishga xizmat qiladi.

Shu kuni Adiblar xiyobonidagi o‘zbek adabiyotining atoqli namoyandalariga atab o‘rnatilgan haykallar atrofida ushbu yodgorliklarga biriktirilgan oliy ta’lim muassasalari tomonidan madaniy-ma’rifiy, adabiy-badiiy tadbirlar tashkil etildi.