Ekologiya vazirligi kubogi g‘oliblari aniqlandi
2025-10-14 11:30:00 / Yangiliklar
Ekologiya, atrof-muhitni muhofaza qilish va iqlim o‘zgarishi vazirligi tomonidan vazirlik markaziy apparati hamda tizim tashkilotlari xodimlari oʼrtasida anʼanaviy mini-futbol turniri — “Ekologiya vazirligi kubogi” oʼtkazildi.
Turnirda vazirlik tarkibiy boʼlinmalari hamda tizim tashkilotlaridan jami 13 ta jamoa ishtirok etdi. Ular oʼzaro guruh bosqichi va final bosqichi tartibida kuch sinashishdi. Bellashuvlar qizgʼinoʼtdi, har bir jamoa oʼz mahorati va ahilligi bilan ajralib turdi.
Yakunda Gidrometeorologiya ilmiy-tadqiqot instituti jamoasi 1-o‘rinni, "Yashil loyiha" loyihalash instituti 2-o‘rinni, Аtrof-muhit va tabiatni muhofaza qilish texnologiyalari ilmiy-tadqiqot instituti esa 3-o‘rinni qoʼlga kiritdi.
Bu kabi sport musobaqalari sog‘lom turmush tarzini targ‘ib etish, jamoaviy ruhni mustahkamlash, do‘stlik va hamjihatlikni kuchaytirishga xizmat qiladi.