"Orolqum"ning noyob sayg‘oqlari
2025-10-07 12:00:00 / Yangiliklar
Sayg‘oq butunlay yo‘qolib ketish arafasida turgan juda noyob tur sifatida O‘zbekiston Qizil kitobi va Tabiatni muhofaza qilish xalqaro ittifoqi Qizil ro‘yxatiga kiritilgan. Shuningdek, CITES'ning II Ilovasidan joy olgan. Qozog‘iston bilan sayg‘oqni saqlab qolish, tiklash va barqaror foydalanish bo‘yicha o‘zaro anglashuv Memorandumi hamda sayg‘oqlarni saqlab qolish va ko‘paytirish bo‘yicha Hukumatlararo bitim imzolagan.
"Orolqum" milliy tabiat bog‘ida bahorgi sanoq davrida 57 bosh sayg‘oq hisobga olingan. Qozog‘istonning shimoliy hududlaridan ko‘chib o‘tuvchi bu hayvonlar soni har yili ob-havo sharoitiga bog‘liq ravishda o‘zgarib turadi. Saygʻoq quvushshoxlilar oilasiga mansub juft tuyoqli hayvon bo‘lib, erkaklar gavdasining uzunligi o‘rtacha 110–140 sm, bo‘yi taxminan 80 sm, og‘irligi esa 40 kg.gacha bo‘ladi.
"Orolqum" 2022-yil 4-martda Qoraqalpog'iston Respublikasi Mo'ynoq tumanida tashkil etilgan. Hududda 25 tur hayvonot dunyosi uchraydi, shundan 4 turi O‘zbekiston Qizil kitobiga kiritilgan. Sayg‘oq eng ko'p uchraydigan hayvon hisoblanadi.