Noyob kadr: yovvoyi tabiat sharoitida ulg‘ayayotgan boyo‘g‘lilar
2025-07-03 10:00:00 / Yangiliklar
Ekologiya, atrof-muhitni muhofaza qilish va iqlim o’zgarishi vazirligi tasarrufidagi “Saygachiy" majmua (landshaft) buyurtma qo‘riqxonasi hududida davlat inspektorlari tomonidan monitoring ishlari davomida boyo'g'li polaponlari suratga olindi.
Boyo‘g‘lining oyoqlari kuchli, tumshugʻi qayrilgan va qanotlari mayin bo‘lib, bu tovushsiz uchib kelib, oʻljasini tutib olish imkonini beradi. Koʻzlari oʻtkirligidan salgina yorugʻlikni ham sezadi. Xira, kulrang pati qorongʻida ko'rinmaydi. Boyo'g'li erta — mart oyi boshlarida uyalashni boshlaydi. 4-6 ta, kamroq hollarda 7-9 ta tuxim qo‘yadi. Tanasining uzunligi 20-24 santimetr, vazni 185-270 grammni tashkil qiladi.
Ma'lumot uchun, "Saygachiy" majmua (landshaft) buyurtma qo‘riqxonasi 2016-yil 22-iyulda Qoraqalpog‘iston Respublikasi Qo‘ng‘irot va Mo‘ynoq tumanlari hududida tashkil etilgan. Hududda 100 dan ortiq o‘simlik turi (7 turi noyob) va 60 tur hayvonot dunyosi (20 turi O‘zbekiston Qizil kitobiga kiritilgan) uchraydi.