"Daraxtlar reyestri" loyihasi doirasida oʻquv kurslariga qabul boshlandi!
2025-07-02 14:00:00 / Yangiliklar
Loyiha doirasida ekologik, o‘rmonchilik (dendrologik), geodeziya va kartografiya (Windows operatsion tizimi, GPS va GNSS texnikasi bilan ishlash koʻnikmasiga ega) sohalarida bazaviy bilimlarga ega, 20 yoshdan 30 yoshgacha bo‘lgan yigitlar uchun bepul o‘quv kurslari tashkil etiladi.
Oʻquv kursi davomida quyidagi yo‘nalishlar bo‘yicha ta’lim beriladi:
— atrof-muhitni muhofaza qilishning huquqiy asoslari;
— umumiy ekologik bilimlar;
— daraxtlarni sug‘orish va parvarishlash tizimlari;
— daraxt kasalliklari va zararkunandalari;
— dendrologiya asoslari;
— daraxtlarning taksatsiya ko‘rsatkichlari;
— GNSS qurilmalari va Field Map dasturi;
— amaliy mashg‘ulotlar (malaka amaliyoti).
O‘quv kursiga 100 nafar ishtirokchi qabul qilinadi. Tanlov suhbat asosida o‘tkaziladi. Kurs 2 hafta (72 soat) davom etadi. O‘qishni muvaffaqiyatli yakunlaganlarga sertifikat beriladi va loyihaga ish haqi asosida ishga tavsiya etiladi (2 yil davomida).
📅 Arizalar qabul qilish muddati: 1-iyul — 10-iyul
📞 Ma’lumot uchun: +998 94 209 46 33
📧 Hujjatlaringizni yuboring: ecomarkaz@mail.ru,
ekomarkaz@exat.uz
Atrof-muhitni asrashga hissa qo‘shmoqchimisiz? Unda imkoniyatni boy bermang!