Ta'kidlash joizki, vazirlik tomonidan yoshlarning ekologik madaniyati va mas'uliyatini oshirish, ularning atrof-muhitni muhofaza qilish borasidagi tashabbuslarini amalga oshirish va yoshlarni har tomonlama qo‘llab-quvvatlash borasida ko‘plab ishlar amalga oshirilmoqda. Xususan, vazirlik tizimida 30 yoshgacha bo‘lgan 600 nafardan ortiq yosh kadrlar faoliyat yuritadi. Yoshlarni qo‘llab-quvvatlash, ularning ekologik madaniyatini yuksaltirish va bilimlarini oshirish maqsadida vazirlikda Vazir maslahatchisiga tenglashtirilgan Yoshlar yetakchisi saylangan.

Shuningdek, yoshlar o‘rtasida ekoturizmni rivojlantirish maqsadida Ekologiya vazirligi tomonidan Qoraqalpog‘iston Respublikasi, Andijon, Namangan, Buxoro viloyatlarida “Yosh ekologlar bog‘lari” tashkil etildi. Qolaversa, har yili yoshlar bilan uchrashuvlar, qurultoylar, turli intellektual tanlovlar, eko-marafonlar, plogginglar va boshqa tadbirlar doimiy o‘tkazib kelinmoqda. Jumladan, 26-may–1-iyun kunlari vazirlikning Ommaviy tadbirlarni tashkil etish va ekofaollar bilan ishlash bo‘limi tomonidan tashkil etilgan “Eko-oromgoh–2025” ekologik muammolar va ularning yechimlariga bag‘ishlandi. Unda yoshlar dolzarb ekologik muammolar va ularning yechimi borasida o‘z taklif va yechimlarini bildirishdi. Qolaversa, 19–21-iyun kunlari bo‘lib o‘tgan "Eco Expo Central Asia 2025" xalqaro ekologik texnologiyalar ko‘rgazmasida ham aynan yosh ekofaollarning tashabbuslari va loyihalariga alohida e'tibor qaratildi. Eng yaxshi startaplar vazirlik tomonidan qo‘llab-quvvatlanishi qayd etildi.

Vazirlik bu boradagi faoliyatini izchil davom ettiradi va ekofaol yoshlarni qo‘llab-quvvatlashda davom etadi.