Quvlashmachoq o‘ynayotgan qo‘ng‘ir ayiqlar
2025-06-16 10:00:00 / Yangiliklar
Qo‘ng‘ir ayiq zaif, keng, biroq mozaik tarqalgan kenja tur sifatida O‘zbekiston Qizil kitobi va CITESning I Ilovasiga kiritilgan. 1970–1980-yillarda G‘arbiy Tyan-Shanda 200-220 tasi hisobga olingan, muhofaza choralari tufayli soni barqarorlashgan. Zomin davlat qo'riqxonasida 2025 yil 30-aprel – 1-may kunlari o'tkazilgan bahorgi sanoqda hududda 26 bosh Tyan-Shan qo'ng'ir ayig‘i kuzatilgan.
Ma'lumot uchun, Zomin davlat qo'riqxonasi 1928-yil 5-iyunda Jizzax viloyatining Zomin va Baxmal tumanlari hududida tashkil etilgan. Qo‘riqxonada 149 tur hayvonot dunyosi uchraydi, shundan 17 turi O'zbekiston Qizil kitobiga kiritilgan. Hududda, shuningdek, Tyan-Shan qo'ng'ir ayig'i, Turkiston silovsini, Sibir tog' echkisi kabi hayvonlar ham ko‘proq uchraydi.