O‘zbekiston Respublikasi Ekologiya va iqlim o‘zgarishi milliy qo‘mitasi

Tadbirda mukofotlarni Ekologiya vazirining birinchi o’rinbosari Obidjon Qudratov topshirdi. 

Tadbirda Ekologiya vazirligi va uning hududiy boshqarmalari, Ichki ishlar, Sog‘liqni saqlash, Favqulodda vaziyatlar, Adliya, Iqtisodiyot va moliya vazirliklari, Milliy gvardiya, O‘rmon xo‘jaligi, Chiqindilarni boshqarish va Gidrometeorologiya xizmati agentliklari, Orolbo‘yi xalqaro innovatsiya markazi, muhofaza etiladigan tabiiy hududlar, xalqaro tashkilotlar, oliy ta’lim muassasalari va atrof-muhitni muhofaza qilishga bevosita daxldor bo'lgan boshqa tashkilotlarning 200 nafarga yaqin xodimlari ko‘krak nishonlari bilan taqdirlandi.

Shuningdek, tadbir davomida mini-futbol va voleybol bo‘yicha o‘tkazilgan vazir kubogi g‘oliblariga ham sovrin va sovg‘alar topshirildi.

Ma'lumot uchun, "Tabiat himoyachisi" ko‘krak nishoni mamlakatimizda ekologiya va atrof-muhitni muhofaza qilish, tabiatni asrash, tabiiy resurslardan oqilona foydalanish borasida salmoqli natijalarni qo‘lga kiritgan, shuningdek, sohaga oid ilm-fan yutuqlarini amaliyotga joriy etib, zamonaviy texnologiyalardan samarali foydalangan hamda yashil maydonlarni kengaytirish va ko‘kalamzorlashtirish ishlarida alohida tashabbus ko‘rsatgan fuqarolarga beriladi.