Avtomobilsiz bir kun — zararli chiqindilarni kamaytirish yo‘lida bir qadam
2025-05-29 09:00:00 / Yangiliklar
28-may, chorshanba kuni respublikamizda navbatdagi “Avtomobilsiz kun” aksiyasi o‘tkazildi.
Aksiya davomida yurtimizdagi davlat va nodavlat tashkilotlari hamda barcha yurtdoshlarimizga shaxsiy avtomobillardan voz kechib, atrof-muhitga kamroq zarar yetkazadigan jamoat transporti, velosiped kabi vositalardan foydalanish hamda ko‘proq piyoda yurish tavsiya qilindi.
“Avtomobilsiz kun” doimiy tarzda har oyning 4-chorshanba kuni o‘tkazib kelinmoqda. Asosiy maqsad transport vositalaridan atmosfera havosiga chiqadigan zararli tashlamalarni kamaytirishdir.
Hurmatli yurtdoshlar! Barchangizni yana bir bor “Avtomobilsiz kun”da faol ishtirok etishga, atrof-muhit tozaligi uchun bir oyda bir marta shaxsiy transport vositalaridan voz kechishga va ko’proq jamoat transportidan foydalanishga chaqiramiz.