Surxondaryodagi toshloq hududlar ham ko‘kalamzorlashtirilmoqda
2025-05-28 14:00:00 / Yangiliklar
Termiz, Angor, Muzrabot va Sherobod tumanlari hududidan o‘tuvchi Xalqaro avtomobil yo‘li (Almata-Bishkek-Toshkent-Termiz yo‘nalishidagi) yoqalariga manzarali daraxtlar ekildi.
Natijada bir paytlar qarovsiz, toshloq bo‘lgan 61 km masofadagi yerlar tekislanib, unumdor tuproqqa almashtirildi. Bugun bu yerda ko‘zni quvnatadigan yashil belbog‘ barpo qilingan.
Ushbu hududda jami 290 mingdan ortiq ko‘chat ekilgan va samarali sug‘orish tizimi yo‘lga qo‘yilgan. Xususan, 122 km maydonda sug‘orish tizimi o‘rnatilib, 32 hovuz yaratilgan. Bugun ko‘chatlarni parvarishlashda suvni tejash maqsadida tomchilatib sug‘orish usulidan foydalaniladi.