Zominning o‘simliklar dunyosi
2025-05-26 10:00:00 / Yangiliklar
Monitoring jarayonida anzur piyozi, tovonbarg ko‘pukguli, eremurus, Qo‘qon itmurtig‘i kabi o‘simlik turlari va boshqalar qayd etildi. Ushbu ma’lumotlar flora holatini baholash, ekotizimdagi o‘zgarishlarni aniqlash hamda noyob va himoyaga muhtoj turlarni saqlab qolish bo‘yicha o‘z vaqtida choralar ko‘rishda muhim ahamiyatga ega.
Monitoring qo‘riqxonadagi biologik xilma-xillikni saqlashda asosiy o‘rin tutadi va tabiiy resurslardan barqaror foydalanish hamda O‘zbekistonning noyob tabiiy majmualarini muhofaza qilishga qaratilgan ilmiy-tadqiqot ishlarining ajralmas qismidir.
Ma’lumot uchun, Zomin davlat qo‘riqxonasi 1928-yil iyun oyida Jizzax viloyatining Zomin va Baxmal tumanlari hududida tashkil etilgan. Qo‘riqxonada 1216 turdagi o‘simlik o‘sadi, shulardan 21 turi O‘zbekiston Qizil kitobiga kiritilgan.