O‘zbekiston Respublikasi Ekologiya va iqlim o‘zgarishi milliy qo‘mitasi

Uch kun davomida davlat organlari, ilmiy-tadqiqot muassasalari va nodavlat notijorat tashkilotlari mutaxassislari atmosfera havosini ifloslantiruvchi manbalarni tahlil qilishning zamonaviy yondashuvlarini muhokama qilib, ochiq sun’iy yo‘ldosh platformalari bilan ishlash ko‘nikmalarini oshirmoqda.

Treningda havo ifloslanishi epizodlarini, jumladan, O‘zbekiston hududlariga tobora ko‘proq ta’sir ko‘rsatayotgan chang va qum bo‘ronlarini tahlil qilish uchun sun’iy yo‘ldosh ma’lumotlaridan foydalanishga e’tibor qaratiladi. Mutaxassislar bunday ma’lumotlarni Markaziy Osiyo shaharlarida qo‘llashning muvaffaqiyatli misollarini taqdim etdilar va atrof-muhit monitoringi milliy tizimiga masofadan zondlash texnologiyalarini integratsiyalash muhimligini ta’kidladilar.

Shuningdek, O‘zbekistonda ekologik nazorat tizimini yanada raqamlashtirish istiqbollari ham muhokama qilindi. Ekologiya vazirligi vakillari, xalqaro hamkorlar va trening ishtirokchilari atrof-muhitni muhofaza qilish sohasidagi hamkorlikni kengaytirish va innovatsion yechimlarni amaliyotga tatbiq etishdan manfaatdor ekanligi qayd etildi.