O‘zbekiston Respublikasi Ekologiya va iqlim o‘zgarishi milliy qo‘mitasi

Ustyurt qo‘yi butunlay yo‘q bo‘lib ketish arafasida turgan, lokal tarqalgan kenja tur hisoblanadi. O‘zbekiston Qizil kitobi, Tabiatni muhofaza qilish xalqaro ittifoqi Qizil ro‘yxati va CITESning II Ilovasiga kiritilgan. O‘zbekiston Qizil kitobi ma'lumotlariga ko‘ra, arqal Ustyurtning janubi, asosan, Qozoqli-Qoplonqir qismi, "Quruq ko'l", Sariqamish botiqlari kabi hududlarda uchraydi. Soni uzluksiz kamayib bormoqda, Qozog‘iston va Turkmaniston bilan transchegaraviy populyatsiyaning bir qismi hisoblanadi.

Qoraquloq ham butunlay yo‘q bo‘lib ketish arafasida turgan, lokal tarqalgan kenja tur sifatida O‘zbekiston Qizil kitobiga kiritilgan. Shuningdek, CITESning I Ilovasidan joy olgan. Yozda tunlari faol, yilning boshqa fasllarida kunduzi ham ovga chiqadi. Quyonlar, kemiruvchilar, ba’zan tuyoqlilar, qushlar, tipratikan, tulki, sudralib yuruvchilar, ilon va bo‘g‘imoyoqlilar, ba’zan o‘limtiklar bilan oziqlanadi. 19 yoshgacha yashaydi.

Ma'lumot uchun, Janubiy Ustyurt milliy tabiat bog’i Qoraqalpog'iston Respublikasi Qo’ng'irot tumanida joylashgan bo’lib, 2020-yil 11-noyabrda tashkil topgan. Unda 149 turdagi hayvonot dunyosi mavjud va ulardan 36 turi O'zbekiston Qizil kitobiga kiritilgan.