Turkiston silovsinining tungi oromi
2025-04-24 14:00:00 / Yangiliklar
Turkiston silovsini zaif, qisqarib borayotgan, mozaik tarqalgan kenja tur sifatida O‘zbekiston Qizil kitobi, Tabiatni muhofaza qilish xalqaro ittifoqi (TMXI) Qizil ro‘yxati hamda CITESning II Ilovasiga kiritilgan. Qo‘riqxonaning G‘elon, Miraki, Tanxozdaryo va Qizilsuv bo‘limlarida uchraydi.
Ma'lumot uchun, “Hisor” davlat qo‘riqxonasi 1983-yilda tashkil etilgan. Qo‘riqxona Qashqadaryo viloyatidagi Hisor tog‘ tizmasining janubiy qismida, dengiz sathidan 1750 metrdan 4349 metrgacha balandlikda joylashgan. Janubi-sharq tomondan Surxondaryo viloyati, shimol tomondan Tojikiston bilan chegaradosh.
Qo‘riqxona hududida umurtqasiz (hasharotlar) va umurtqali hayvonlarning 276 turi uchrashi aniqlangan. Ulardan 8 turi O‘zbekiston Qizil kitobiga kiritilgan.