O‘zbekiston Respublikasi Ekologiya va iqlim o‘zgarishi milliy qo‘mitasi

Anjumanda Oʻzbekiston Respublikasi Bosh vaziri oʻrinbosari, Oila va xotin-qizlar qoʻmitasi raisi Zulayho Mahkamova, Buxoro viloyati hokimi Botir Zaripov, BMTning Oziq-ovqat va qishloq xoʻjaligi tashkilotining (FAO) Oʻzbekiston Respublikasidagi vakili Sherzod Umarov, Ekologiya, atrof-muhitni muhofaza qilish va iqlim o‘zgarishi vaziri o‘rinbosari Jusipbek Kazbekov, Oila va xotin-qizlar qo‘mitasi qoshidagi “Ayol ma’rifati” jamoatchilik kengashi hamda “Oqila ayollar” harakati a’zolari, Qoraqalpog‘iston Respublikasi Oila va xotin-qizlar qo‘mitasi, viloyatlar, tuman-shahar oila va xotin-qizlar bo‘limlari rahbarlari, ilmiy jamoatchilik, xalqaro tashkilotlar vakillari ishtirok etdi.

Tadbirda nutq so‘zlagan Ekologiya vaziri o‘rinbosari Jusipbek Kazbekov yurtimizda "Yashil makon" umummilliy loyihasi doirasida amalga oshirilayotgan ishlar, ko‘kalamzorlashtirish, daraxt ekishni targ‘ib qilish kabi masalalarga alohida to‘xtaldi. Shuningdek, bu borada xotin-qizlarning o‘rni alohida ahamiyatga ega ekanligini qayd etdi.

Anjumanda ayollarning atrof-muhitni muhofaza qilish borasidagi faolligini oshirish, "Bir million yashil oila" tashabbusi, oila va jamiyatdagi ekologik ongni yuksaltirishga alohida e'tibor qaratildi. Shuningdek, atrof-muhitni asrash, ekologik ta'lim va tarbiya, ayollarning ekofaolligini oshirish, jamoatchilikni tabiatni asrashga, "yashil iqtisodiyot"ning afzalliklarini targ‘ib qilishga va kelgusi avlod uchun sog‘lom va toza atrof-muhitni ta’minlashga chaqirish masalalariga e'tibor qaratildi. Qolaversa, xotin-qizlarning sohadagi faolligini yanada oshirish va qo‘llab-quvvatlash borasidagi rejalar muhokama qilindi. 

Yakunda Buxoro tumani “Istiqbol” mahallasida “Oila bog’i” barpo etildi va daraxt ko‘chatlari o‘tqazildi.