Toshkent shahri hududidagi daraxtlarni xatlovdan oʻtkazish bo‘yicha o‘quv kurslari davom etmoqda
2025-03-06 13:00:00 / Yangiliklar
Ma'lumot uchun, loyiha O‘zbekiston Respublikasi Prezidentining “Respublikada ko‘kalamzorlashtirish ishlarini jadallashtirish, daraxtlar muhofazasini yanada samarali tashkil etish chora-tadbirlari to‘g‘risida”gi 46-sonli, “Respublikada yashillik darajasini yanada oshirish, “Yashil makon” umummilliy loyihasini izchil amalga oshirish orqali ekologik barqarorlikni ta’minlash chora-tadbirlari to‘g‘risida”gi 199-sonli Farmonlari ijrosini ta’minlash maqsadida amalga oshirilmoqda.
Ayni damda atrof-muhitni muhofaza qilish sohasida faoliyat ko‘rsatayotgan xodimlarni qayta tayyorlash va ularning malakasini oshirish markazi tomonidan tanlab olingan 120 nafar talabgor bilim va ko‘nikmalarni oshirish maqsadida maxsus reja asosida o‘qitilmoqda.
O‘quv kurslarini muvaffaqiyatli tamomlaganlar shartnoma asosida Toshkent shahri hududidagi daraxtlarni xatlovdan o‘tkazish ishlariga jalb qilinadi.