O‘zbekiston Respublikasi Ekologiya va iqlim o‘zgarishi milliy qo‘mitasi

Xususan, 2025-yildan bugunga qadar hududlarda yashovchi hayvonlarning qishdan eson-omon chiqishini ta'minlash maqsadida ozuqa mahsulotlari qo‘yib chiqilmoqda. Masalan, 18-yanvar kuni Ohangaron DO‘Xning 20-nazorat hududidagi Qorabog‘soy tog‘li hududiga 100 kg makka doni, 23-yanvar kuni 15-nazorat hududi Go‘shsoy bo‘limi hududiga jami 80 kg makka donlari va kepak aralashmasi, 30-yanvar kuni 16-nazorat hududi Lashkarak bo‘limi tog‘li hududlariga 100 kg kepak qo‘yib chiqildi. Shuningdek, 4-fevral kuni 18-nazorat hududi Gumqo‘lsoy bo‘limining tog‘li hududlariga 30 kg arpa, 30 kg bug‘doy, 20 kg quritilgan olma mevasi tarqatib chiqildi. 

Bundan tashqari, 1–2-fevral kunlari Ugom-Chotqol davlat milliy tabiat bog‘i tarkibidagi Burchmulla davlat o‘rmon xo‘jaligining Pskom bo‘limi hududida jami 215 kg makkajo‘xori, 165 kg bug‘doy, 75 kg tuz mahsulotlari sepib chiqildi. 6–7-fevral kunlari esa Burchmulla davlat o‘rmon xo‘jaligining Sargardon bo‘limi Maydontol aylanmasi Qayinsoy va Arpapoya dalalari hamda Beldersoy ov xo‘jaligining Suranota tog‘i, Takalisoy hududlarida qishning qirovli kunlarida yovvoyi hayvon va qushlarni qo‘shimcha oziqlantirish maqsadida 800 kg arpa, 200 kg omuxta yem, 50 kg tuz va 500 kg tabiiy pichan mahsulotlari kerakli joylarga qo‘yib chiqildi. 

Qolaversa, 19-fevral kuni davlat milliy tabiat bog‘i hududidagi Soymazor aylanmasidagi kichik Govxona va Qavluqsoy dalalarida 400 kg pichan hamda 200 kg arpa, 20–21-fevral kunlari esa Sargardon-Shabrez, Oqbuloq-Dovonsoy yo‘nalishlaridagi tog‘li hududlarga 500 kg arpa, 60 kg bug‘doy, 100 kg kepak va 150 kg tuz mahsulotlari sepildi.

Umuman olganda, Ugom-Chotqol davlat milliy tabiat bog‘ida yanvar-fevral oylarida jami 255 kg bug‘doy, 1530 kg arpa, 395 kg makkajo‘xori, 500 kg kepak va omuxta yem, 275 kg tuz hamda 900 kg tabiiy pichan mahsulotlari qo‘yib chiqildi. 

Ayni damda respublikamizdagi barcha muhofaza etiladigan hududlarda biotexnik tadbirlar davom ettirilmoqda.