Sariqamish ko‘lidagi olmabosh o‘rdaklar
2025-02-13 09:00:00 / Yangiliklar
Ekologiya, atrof-muhitni muhofaza qilish va iqlim o‘zgarishi vazirligi tasarrufidagi “Janubiy Ustyurt” milliy tabiat bog‘i xodimlari Sariqamish ko‘lida olib borilgan monitoring ishlari davomida olmabosh o‘rdaklarni tasvirga olishdi.
Olmabosh o‘rdak o‘rdaksimonlar oilasining o'ziga xos vakili bo'lib, oddiy o‘rdaklardan farq qiladi, og‘irligi — 1-1,5 kg. Olmabosh o‘rdakning eng tipik yashash joylari qamishzorlari ko‘p bo'lgan tekis ko'llardir. Bunday o‘rdaklar Amudaryoning quyi oqimidagi suv havzalarida koʻplab in soladi, xususan, oʻtgan yillarda Orol dengizining janubiy qirgʻogʻida ham in qurgan.
Ma’lumot uchun, “Janubiy Ustyurt” milliy tabiat bog‘i Qoraqalpog‘iston Respublikasi Qo‘ng‘irot viloyatida joylashgan bo‘lib, maydoni 1 447 143 gektarni tashkil qiladi. Tabiatning bu betakror go‘shasida 149 turdagi jonivorlar yashaydi, ulardan 36 turi O‘zbekiston Qizil kitobiga kiritilgan.