Nurota qo‘riqxonasining yoqimtoy arxarlari
2025-01-30 11:00:00 / Yangiliklar
Ma'lumot uchun, Nurota davlat qo‘riqxonasi 1973-yil 4-dekabrda Jizzax viloyatida tashkil etilgan va Nurota tog‘ tizmalarining markaziy qismi hamda shimoliy yon bag‘irlarini egallaydi. Qo‘riqxonada 247 tur hayvonot dunyosi uchraydi va ularning 31 turi O‘zbekiston Qizil kitobiga kiritilgan.
Qizilqum arxari zaif, qisqarib borayotgan tur hisoblanadi va O‘zbekiston Qizil kitobi, Tabiatni muhofaza qilish xalqaro ittifoqi Qizil ro‘yxati hamda CITESning II Ilovasidan joy olgan. Tog‘larning o‘rta va yuqori qismlarida yashaydi. Yil fasllari, kunning vaqti ob-havo va ozuqa sharoitiga, antropogen ta'sir darajasiga ko‘ra tog‘ yonbag‘irlarining turli balandliklarida notekis uchraydi. Qishda tog‘ etaklari va vodiylarga tushadi. Qizilqum arxarlari 1991-yildan buyon Nurota qo'riqxonasida ko‘paytirilmoqda.