O‘zbekiston Respublikasi Ekologiya va iqlim o‘zgarishi milliy qo‘mitasi

Ma’lumot uchun, Markaz mustaqil, nosiyosiy, notijorat xalqaro tashkilot bo‘lib, Markaziy Osiyo davlatlari hukumatlari, xalqaro, mintaqaviy va milliy hamkorlarga atrof-muhitni muhofaza qilish va Markaziy Osiyo mintaqasida hamda Afg'onistonda barqaror rivojlanish masalalarini hal etishda yordam berish maqsadida tashkil etilgan. Tashkilot haqida batafsil ma'lumotni https://carececo.org/main/ rasmiy veb-saytida topishingiz mumkin.

MOMEM Markaziy Osiyoning beshta davlatidan olingan yagona mandatga ega. Uning vazifasi Markaziy Osiyo mamlakatlariga atrof-muhitni muhofaza qilish sohasidagi milliy va mintaqaviy muammolarni hal qilishda yordam berishdan iborat. Shu maqsadda Markaz mintaqada nou-xau, yangi bilim va texnologiyalarni joriy etishga xizmat qiladigan davlatlararo va idoralararo muloqotlar uchun platforma yaratish imkoniyatini beradi. O‘z navbatida, bu innovatsion ekologik siyosat, yondashuv va usullarni ishlab chiqish va qo‘llash, ekologiyani asrash masalalari bo‘yicha qarorlar qabul qilishda jamoatchilikni jalb qilish va mintaqaviy darajada axborot almashinuvini yaxshilashga yordam beradi.

Markazning O‘zbekiston Respublikasidagi vakolatxonasi direktorining asosiy vazifalari tashkilotning strategik rejasini amalga oshirish, uning manfaatlarini ifodalash, loyiha g‘oyalari va takliflarini ishlab chiqish orqali moliyalashtirishni tashkil qilish, tashkilotning moliyaviy faoliyatini nazorat qilish, Markaz loyihalarini amalga oshirish hamda ijrochi direktorga faoliyatni muvofiqlashtirish va boshqa tarkibiy bo‘linmalar bilan birgalikda loyihalarni amalga oshirishda yordam berish kabi vazifalardan iborat. 

Nomzodlarga qo‘yiladigan talablar:

• ekologiya, iqtisod yoki menejment sohasida oliy ma'lumot;
• atrof-muhitni muhofaza qilish va barqaror rivojlanish sohasida kamida 5 yillik ish tajribasi;
• kamida 3 yil xalqaro dastur va loyihalarni boshqarish tajribasi;
• loyiha boshqaruvi, tashkilot va xodimlarni boshqarish, muzokaralar olib borish ko'nikmalari;
• moliyalashtirishni jalb qilish bo'yicha tasdiqlangan tajriba;
• ingliz va rus tillarini mukammal bilish (og'zaki va yozma);
• jamoada ishlash qobiliyati, harakatchanlik va tashabbuskorlik.

Tanlov jarayonida menejment sohasida ikkinchi oliy ma’lumot, xalqaro tashkilotlarda ish tajribasi, Markaziy Osiyo davlatlarining rasmiy tillarini bilish nomzodga qo‘shimcha afzalliklar beradi.

Tanlovda ishtirok etish uchun quyidagi hujjatlarni info@eco.gov.uz / mail.uznature.uz elektron manziliga yuborish lozim:

1. Nomzodning rus va ingliz tillaridagi rezyumesi (biografiyasi);
2. Tanlovda ishtirok etish sabablari tushuntirilgan, rus va ingliz tillarida yozma xat;
3. Tanlov ishtirokchilariga qo‘yiladigan malaka talablariga muvofiqligini tasdiqlovchi hujjatlar (ma’lumoti, ilmiy darajasi, ilmiy lavozimi, faxriy unvonlari to‘g‘risidagi hujjatlarning nusxalari; tanlovda ko‘rib chiqilishi mumkin bo‘lgan tavsiyalar va boshqa muhim ma'lumotlar).

Markaz vakolatxonasi direktorining oylik maoshi 2000-2500 dollarni tashkil qiladi. Vakansiya uchun tanlov joriy yilning 24-yanvarigacha davom etadi.

Birinchi saralash bosqichidan o‘tgan va saralangan nomzodlar suhbatga taklif qilinadi.