Dala bo‘ktargilari parvozda
2024-12-24 12:00:00 / Yangiliklar
Ekologiya, atrof-muhitni muhofaza qilish va iqlim o‘zgarishi vazirligi tasarrufidagi “Janubiy Ustyurt” milliy tabiat bog‘i xodimlari tomonidan parvoz qilayotgan dala bo‘ktargilarini suratga olishdi.
Dala bo‘ktargisi — qarchig‘aysimonlar oilasiga mansub o'rta bo'yli va yengil yirtqich qush. Uzunligi 46-47 sm, qanotlari 97-118 sm, uzun qanotlari va dumi bilan ajralib turadi, yerdan sekin va jimgina harakatlanadi. U, asosan, sichqon, kalamush kabi kemiruvchilar bilan oziqlanadi.
Ma’lumot uchun, Janubiy Ustyurt milliy tabiat bog‘i 2020-yil 11-noyabrda Qoraqalpog‘iston Respublikasi Qo‘ng‘irot tumanida tashkil etilgan. Hududda faunaning 149 turi mavjud boʻlib, ulardan 36 turi Oʻzbekiston Respublikasi Qizil kitobiga kiritilgan.