O‘zbekiston Respublikasi Ekologiya va iqlim o‘zgarishi milliy qo‘mitasi

Hujjatni Ekologiya vaziri o‘rinbosari Obidjon Qudratov va BMT Bosh kotibining yordamchisi, BMT Taraqqiyot dasturining Yevropa va MDH bo‘yicha mintaqaviy direktori Ivana Zivkovich Ozarbayjon poytaxti Boku shahridagi COP29 global iqlim konferensiyasi doirasida “O‘zbekistonning gender tengligi va ijtimoiy inklyuziyani integratsiyalashuviga bag‘ishlangan MMBH 3.0 bo‘yicha yo‘l xaritasi” yordamchi tadbiri davomida imzoladilar.

Loyihaning maqsadi O‘zbekistonni BMTTD global iqlim va’dasi platformasi doirasida Parij kelishuvining asosiy maqsadiga erishish uchun O‘zbekiston hukumati zimmasidagi Milliy miqyosda belgilangan hissalar (MMBH) 3.0 ni tayyorlashda qo‘llab-quvvatlashdan iborat. Bundan tashqari, ushbu tashabbus MMBH, Uzoq muddatli rivojlanish strategiyalari (LT-LEDS), Yashil rivojlanish rejalari va boshqalarda belgilangan iqlim bo'yicha qat’iy harakatlarga erishish uchun biologik xilma-xillik va ijtimoiy inklyuziya ko'rsatkichlarini integratsiyalashda mamlakatni qo'llab-quvvatlaydi, bu esa o'z navbatida milliy rivojlanish ustuvorliklari va barqaror rivojlanish maqsadlariga erishishga yordam beradi. 

Bundan tashqari, loyiha hukumat amaldorlari va institutlarining salohiyatini oshirishga yordam beradi va aylanma iqtisodiyot hamda iqlim masalalari boʻyicha bilim almashish, qishloq xoʻjaligi-suv-energetika aloqasini hal qilish uchun vazirliklararo va tarmoqlararo muvofiqlashtirish, shuningdek, gender va ijtimoiy holatlarning MMBH 3.0 ga kiritilishiga yordam beradi.

Qiymati 250 ming AQSH dollari boʻlgan loyihani 2024-yil dekabridan 2025-yil dekabrigacha amalga oshirish rejalashtirilgan.

Ma’lumot uchun: tajriba, bilim va ilg‘or xalqaro yondashuv amaliyotlardan foydalangan holda BMTTD Ekologiya, atrof-muhitni muhofaza qilish va iqlim o‘zgarishi vazirligi, Iqtisodiyot va moliya vazirligi va boshqa idoralar bilan birgalikda ijtimoiy inklyuziya va gender tengligini mamlakatning iqlim oʻzgarishi oqibatlarini yumshatish va moslashish boʻyicha faoliyatiga integratsiyalashuvi, institutsional muvofiqlashtirishni kuchaytirish, energiyadan adolatli oʻtish, iqlim va bioxilma-xillik oʻzaro bogʻliq maqsadlari va keyingi MMBH 3.0da moliyaviy/investitsiya strategiyasi bilan moslashishni rejalashtirish orqali aniqlangan kamchiliklar va ehtiyojlarni bartaraf etish bo‘yicha “Yo‘l xaritasi”ni ishlab chiqmoqda.