Ekologiya sohasiga munosib hissa qo’shayotgan ichki ishlar organlari xodimlari taqdirlandi
2024-10-26 11:20:00 / Yangiliklar
Tadbirda nutq so’zlagan Ekologiya vazirining birinchi o’rinbosari Obidjon Qudratov ekologiya sohasidagi huquqbuzarliklarning oldini olish va bartaraf etish borasida IIO xodimlari bilan samarali hamkorlik yo’lga qo’yilganini ta’kidladi.
Tadbir davomida atrof-muhitni muhofaza qilish, brakonyerlikka qarshi kurashish, ekologiya sohasidagi qonun buzilishlarining oldini olishga munosib hissa qo’shib kelayotgan Ichki ishlar vazirligi Jamoat xavfsizligi departamenti Jamoat tartibini saqlash xizmati (IIV JXD JTSX) xodimlari taqdirlandi.
Xususan, IIV JXD JTSX bo‘lim boshlig‘i, podpolkovnik Ravshan Pirimqulov, IIV JXD JTSX Bosh inspektori, podpolkovnik Dilshod Abdujabborov, IIV JXD JTSX MTB inspektorlari, podpolkovniklar Valijon Martaboyev va Islom Jumayev hamda IIV JXD JTSX katta inspektori, leytenant Sherzod To‘rayevga Ekologiya vazirining faxriy yorlig‘i hamda esdalik sovg‘alari topshirildi.