Bo‘rilar ekologik muvozanatni saqlashda muhim rol o‘ynaydi
2026-02-23 11:00:00 / Yangiliklar
Bo‘ri (Canis lupus) — yovvoyi tabiatning eng muhim yirtqichlaridan biri bo‘lib, asosan, o‘rmonlar, dashtlar, tog‘lar va cho‘l hududlarida yashaydi. Ular juda aqlli, kuchli va ijtimoiy hayvonlar bo‘lib, odatda, to‘da bo‘lib ov qiladi, bu esa ularga yirik o‘ljalarni ham qo‘lga kiritish imkonini beradi. Bo‘rilar tuyoqli hayvonlar bilan oziqlanib, tabiatda kasal va zaif jonivorlarni yo‘q qilish orqali ekologik muvozanatni saqlashda muhim rol o‘ynaydi.
Kuchli hid bilish, eshitish qobiliyati va uzoq masofalarga chidamliligi bo‘rini tabiatning eng moslashuvchan yirtqichlaridan biriga aylantiradi. Bo‘ri tabiatda muhim o‘rin tutuvchi yirtqich hayvon bo‘lib, populyatsiya muvozanatini saqlashda katta ahamiyatga ega. O‘tgan yilgi so‘nggi sanoq natijalariga ko‘ra, "Yuqori To‘palang" hududida 34 bosh bo‘ri uchratilgan.
Ma'lumot uchun, "Yuqori Toʻpalang" milliy tabiat bogʻi 2022-yilning 4-mart kuni Surxondaryo viloyati, Sariosiyo tumanida tashkil etilgan.