Senatda yosh ekologlar bilan atrof-muhitni asrash borasidagi islohotlar muhokama qilindi
2026-02-18 15:20:00 / Yangiliklar
Oliy Majlis Senatida “Yosh ekologlar harakati” Farg‘ona viloyati kengashi aʼzolari uchun “Ochiq eshiklar kuni” tashkil etildi. Tadbir davomida ishtirokchilarga parlament yuqori palatasi faoliyati, uning asosiy vazifa va konstitutsiyaviy vakolatlari, qonun ijodkorligi jarayoni, qonunlar ijrosi ustidan parlament nazorati mexanizmlari haqida batafsil maʼlumot berildi.
Shuningdek, hududlar manfaatlarini ifoda etish va joylardagi dolzarb muammolarni qonunchilik tashabbuslari orqali hal etishda Senatning o‘rni alohida taʼkidlandi.
Senatorlar bilan uchrashuv davomida atrof-muhitni muhofaza qilish, ekologik xavfsizlikni taʼminlash, tabiiy resurslardan oqilona foydalanish borasida amalga oshirilayotgan islohotlar muhokama qilindi.
Yosh ekologlar ilgari surayotgan tashabbuslar, jamoatchilik nazoratini kuchaytirish va aholi o‘rtasida ekologik madaniyatni yuksaltirishga qaratilgan masalalar yuzasidan fikr almashildi.