121 ta tog‘ tizmalari, tog‘ va cho‘qqi nomlari ro‘yxati tasdiqlandi
2026-01-13 18:00:00 / Yangiliklar
O‘zbekiston Respublikasi Vazirlar Mahkamasining "Mamlakatimizdagi ayrim geografik ob’yektlarning nomlarini davlat tili qoida va me’yorlariga muvofiqlashtirish hamda yangi nom berish to‘g‘risida" qarori qabul qilindi (09.01.2026).
Unga ko‘ra, 121 ta tog‘ tizmalari, tog‘ va cho‘qqi nomi davlat tili qoida va me’yorlariga muvofiqlashtirildi va ro‘yxati tasdiqlandi.
Bu boradagi ishlar O‘zbekiston Respublikasining “Davlat tili haqida”gi va “Geografik obyektlarning nomlari to‘g‘risida”gi qonunlariga muvofiq hamda Geografik obyektlarni nomlash va qayta nomlash masalalari bo‘yicha republika komissiyasining xulosasiga ko‘ra amalga oshirildi.
