Kitobxonlik madaniyatini shakllantirishga alohida e'tibor qaratilmoqda
2026-01-09 10:30:00 / Yangiliklar
Ekologiya va iqlim o‘zgarishi milliy qo‘mitasida “Farzandlarimizga ko‘proq kitob sovg‘a qilaylik” shiori ostida navbatdagi kitob savdo yarmarkasi o‘tkazildi.
“O‘zbekiston” nashriyot-matbaa ijodiy uyi bilan hamkorlikda tashkil qilingan yarmarkada Ekologiya qo‘mitasi hamda tizim tashkilotlari mas’ullari ishtirok etdi. Yarmarkada bolalarning zehni, dunyoqarashini rivojlantiradigan, xususan, ekologik bilimlarini yanada mustahkamlashga xizmat qiladigan kitoblar taqdim etildi.
Ta’kidlash joizki, kitobxonlik madaniyatini shakllantirish davlat siyosatining ustuvor yo‘nalishlaridan biri sifatida belgilangan. Davlatimiz rahbari tashabbusi bilan ilgari surilgan besh muhim tashabbusning to‘rtinchi yo‘nalishi aynan yoshlar o‘rtasida kitobxonlikni keng targ‘ib qilishga qaratilgan.
Ekologiya qo‘mitasida esa bu borada doimiy tarzda kitobxonlik tadbirlari, kitob savdo yarmarkalari o‘tkazib kelinadi.