O‘zbekiston Respublikasi Ekologiya va iqlim o‘zgarishi milliy qo‘mitasi

Yer yuzasining qariyb 40 foizi qishloq xo‘jaligi yerlari bilan band ekanini hisobga olsak, yer resurslaridan barqaror foydalanish nafaqat oziq-ovqat xavfsizligini ta’minlashda, balki BMTning Barqaror rivojlanish maqsadlariga erishishda ham muhim ahamiyatga ega. Keskin kontinental iqlim, cho‘l tuproqlarida organik moddalarning kamligi va unumdor yerlarning zaifligi bilan tavsiflanadigan O‘zbekiston uchun tabiatga yo‘naltirilgan yechimlarga o‘tish strategik zarurat hisoblanadi.
Tadbirda mamlakatda qo‘llanilayotgan tabiiy yashash muhitlarini saqlash va tiklash choralari, qishloq xo‘jaligining ekotizimlarga salbiy ta’sirini kamaytirish, shuningdek, Qashqadaryo viloyati va Qoraqalpog‘iston Respublikasida inson va yovvoyi tabiat o‘rtasidagi mojarolarni minimallashtirish bo‘yicha amaliyotlar ko‘rib chiqiladi. Barqaror qiymat zanjirlarini rivojlantirish, landshaftlarni integratsiyalashgan boshqaruvni joriy etish, mahalliy ishlab chiqaruvchilar va xususiy sektorning bioxilma-xillikni saqlash borasidagi salohiyatini mustahkamlash masalalariga alohida e’tibor qaratiladi.
Tadbirning asosiy maqsadlari:
landshaftlarni integratsiyalashgan boshqarish (ILM) rejalarini amalga oshirish uchun salohiyatni rivojlantirish va resurslarni safarbar etish;
noyob turlar yashash muhitlarini saqlash va tiklash;
inson va yovvoyi tabiat o‘rtasidagi mojarolarni kamaytirishga qaratilgan tabiatga yo‘naltirilgan yechimlarni namoyish etish;
ishlab chiqarish landshaftlarida ekotizim xizmatlarini kuchaytirish va qishloq xo‘jaligini qo‘llab-quvvatlash.
Kutilayotgan natijalar:
bilimlar almashuvi va eng yaxshi xalqaro amaliyotlarni tarqatish;
O‘zbekistonning ekologik islohotlari va siyosatini ilgari surish;
yangi hamkorliklar va qo‘shma loyihalar uchun zamin yaratish.
O‘zbekiston Respublikasi Ekologiya va iqlim o‘zgarishi milliy qo‘mitasi hamda BMTning Oziq-ovqat va qishloq xo‘jaligi tashkiloti (FAO) hamkorligida tashkil etilgan ushbu parallel tadbir xalqaro hamkorlikni mustahkamlash, iqtisodiy rivojlanish, aholi ehtiyojlari va mintaqaning noyob bioxilma-xilligini saqlash o‘rtasidagi muvozanatni ta’minlash bo‘yicha amaliy qadamlarni muhokama qilish uchun muhim maydon bo‘ldi.