O‘rtachirchiq tumanida 82 dona baliqlarni noqonuniy ovlagan huquqbuzar ushlandi
2025-12-12 11:00:00 / Yangiliklar
Ekologiya va iqlim o‘zgarishi milliy qo'mitasi Davlat ekologik nazorat inspeksiyasi, Toshkent viloyati Ekologiya boshqarmasi tezkor ekologik nazorat guruhi va Toshkent viloyati IIB PPX xodimlari bilam hamkorlikda Toshkent viloyati O‘rtachirchiq tumani hududida navbatdagi tezkor reyd tadbiri o‘tkazildi.
Reyd davomida fuqaro M.V.Y tomonidan “Tuyabo‘g‘iz” suv ombori havzasidan taqiqlangan ov quroli ya’ni, “sun’iy tolali to‘r”dan foydalangan holda 82 dona baliqlarni noqonuniy ravishda ovlanganlik holati aniqlandi.
Mazkur holat sodir etilishi natijasida hayvonot dunyosiga 74 984 000 so‘m miqdorda zarar yetkazilgani ma’lum bo‘ldi.
Barcha to'plangan hujjatlar huquqiy baho berish uchun tegishli huquqni muhofaza qiluvchi organlarga taqdim etiladi.
Reyd tadbirlari davom ettirilmoqda.