O‘zbekiston Respublikasi Ekologiya va iqlim o‘zgarishi milliy qo‘mitasi

Uchrashuvda tomonlar turizm va mahsulotlarni sertifikatlashtirish sohasidagi hamkorlikni rivojlantirish imkoniyatlarini muhokama qildilar.

Xususan, mehmonlar O‘zbekistonning davlatlar o‘rtasida viza tartibini yengillashtirish bo‘yicha tashabbusini olqishlab, bu borada hamkorlik qilishga tayyor ekanliklarini qayd etdilar.

Shuningdek, xorijiy tomon sayyohlar oqimini saqlab qolish uchun toʻgʻridan-toʻgʻri aviaqatnovlarni yoʻlga qoʻyish muhimligini taʼkidladi va masalaning yechimi sifatida Ummonning “Salam Air” loukoster aviakompaniyasini jalb etish masalasini koʻrib chiqishni taklif qildi.

Shu bilan birga, O‘zbekiston fuqarolari tomonidan ziyorat turizmida oraliq bo‘g‘in sifatida Ummon shaharlari taklif etildi.

Ummon Sultonligining Oʻzbekistondagi elchixonasi va xususiy aviakompaniyalar oʻrtasida toʻgʻridan-toʻgʻri reyslarni ochish boʻyicha davra suhbati tashkil etish, shuningdek, Turizm qoʻmitasi raisi va Oʻzbekiston-Ummon Investitsiya kompaniyasi bosh direktori oʻrtasida ikki tomonlama uchrashuv tashkil etish boʻyicha kelishuvga erishildi.

Bundan tashqari, tomonlar 2024-yilning ikkinchi yarmida Ummonda boʻlib oʻtadigan xalqaro koʻrgazma doirasida Oʻzbekiston pavilyonini yaratish imkoniyatlarini muhokama qildilar, unda Oʻzbekistonning texnik yutuqlari, qishloq xoʻjaligi mahsulotlari, mebel sanoati, transport va turizm salohiyati taqdim etiladi.

Uchrashuv yakunida tomonlar erishilgan kelishuvlar doirasida yaqin hamkorlikni davom ettirishga kelishib oldilar.