Raqamli davlat: yagona yondashuv, zamonaviy boshqaruv va fuqarolar uchun yangi imkoniyatlar
2026-09-25 11:00:00 / Vazirlik yangiliklari
ICT WEEK Uzbekistan 2026 axborot-kommunikatsiya texnologiyalari haftaligi doirasida davlat boshqaruvini raqamli transformatsiya qilish, idoralararo integratsiyani kuchaytirish hamda aholi uchun qulay va zamonaviy davlat xizmatlarini rivojlantirishga bag'ishlangan amaliy sessiya bo'lib o'tdi.
📌 Mazkur tadbirda Adliya vazirligi Davlat xizmatlari departamenti boshlig'i Eldor Maxkamov ishtirok etib, davlat xizmatlarini raqamlashtirish va aholining raqamli imkoniyatlarini kengaytirish masalalari yuzasidan fikr bildirdi.
Sessiya davomida quyidagi masalalarga alohida e'tibor qaratildi:
➖ davlat axborot tizimlarini yagona raqamli muhitga integratsiya qilish;
➖ fuqarolar ehtiyojlaridan kelib chiqib proaktiv va kompleks davlat xizmatlarini joriy etish;
➖ davlat boshqaruvida sun'iy intellekt imkoniyatlaridan foydalanish;
➖ raqamli identifikatsiya va shaxsiy ma'lumotlarni ishonchli himoya qilish.
🏆 Tadbir doirasida Adliya vazirligi davlat xizmatlarini ko'rsatish sohasidagi faolligi hamda Yagona interaktiv davlat xizmatlari portalini rivojlantirishga qo'shgan hissasi uchun "Raqamli integratsiya va strategik hamkorlik bo'yicha eng yaxshi tashkilot" nominatsiyasi bilan taqdirlandi.
Raqamli transformatsiyaning asosiy maqsadi — texnologiyalarni joriy etishning o'zi emas, balki ular orqali fuqarolar uchun yanada qulay, tezkor, ochiq va samarali davlat xizmatlarini yaratishdir.