O‘zbekiston va Turkiya adliya vazirliklari o‘rtasida huquqiy hamkorlikni kengaytirish masalalari muhokama qilindi
2026-09-22 17:35:00 / Vazirlik yangiliklari
✔️Bugun, 22-sentyabr kuni O‘zbekiston Respublikasi adliya vaziri Akbar Tashkulov Turkiya adliya vaziri o‘rinbosari Burak Djeyxan boshchiligidagi delegatsiyani qabul qildi.
📌Uchrashuvda ikki mamlakat o‘rtasidagi huquqiy hamkorlikni yanada rivojlantirish, xususan, mediatsiya, nizolarni muqobil hal etish (ADR), advokatura, davlat hisobidan yuridik yordam va yuridik kadrlar malakasini oshirish yo‘nalishlarida tajriba almashish masalalari muhokama qilindi.
❗️Shuningdek, O‘zbekistonda mediatsiya institutini rivojlantirish, ADR tizimini raqamlashtirish va sohada ilg‘or xalqaro tajribani joriy etish borasida amalga oshirilayotgan ishlar Turkiya delegatsiyasi tomonidan e’tirof etildi.
⏩Kelgusida ikki mamlakat mutaxassislari o‘rtasida muntazam ekspert muloqotlarini yo‘lga qo‘yish, qo‘shma seminarlar, o‘quv dasturlari va tajriba almashuvlarini tashkil etish bo‘yicha hamkorlikni kengaytirishga kelishib olindi.
🇺🇿Maqsad — O‘zbekistonda huquqiy hamkorlikni yanada kengaytirish, mediatsiya va nizolarni muqobil hal etish mexanizmlarini rivojlantirish hamda ilg‘or tajribani amaliyotga joriy etish.